17 January 2021 | Zo Ngeina Pupa Lakaih Tawh Pasian Phatna

17 January 2021 | Nipini
Pupa Lakaih Tawh Pasian Phatna
Chin Baptist Association, Kanaan Church

©️2021 Chin Baptist Association

A. Eden huang zol tul sing pian dang
Sia leh pha damtui in luang khawm e...
B. Damtui koi luan dawn ken aw ci
San loh ding hai thei bang na lawh
Sian tawh gibang kikhenna hi e..


A. I pu Joshua dogal sat lai
Gibeon mual sang tungah
Sunni khawl aw a cih leh khawl e..
B. Sunni khawl aw a cih leh khawl a
A ciamteh na solkhapi zong
Khawl aw ci khawl ta zen aw e..


A. A lung muang lo Nikodem zong
Khimzing Jesu siangah lai leng e...
B. Khimzing Jesu siangah lai leng a
Damtui laukha piangthak lote
Lengvan sau nuam tunglo ding ci e..

A. A singlim lian zangtan tungah
Sian i vontawi zamdal bang kikhai
Ei a ding hi.. ei a ding hi e..
B. Aluang pakpa bang mual ding a
Sun nithum sung a cin ciangin
Thel bang tho e leng vansang zuan e..


A. Tul sing lel a duang kikhai ngaihno
Ka To Jesu kei din etlawm
Paal hoih pen aw e..
B. Paal hoih pen aw. ka pham zongin
Leng vansang ah na sakmin
Ngaih lo den ning ciing e..


A. Tungsiang mangin tong ong lel a
Damtui a tui bang a siang teng
Lengvan sau nuam luah ding hong ci e
B. Lengvan sau nuam luah ding hong ci a
Khut a lamloh tua khuapi ah
Nun nuam nga bang leng ta ding aw e


A. Kumkhen ningtui hai bang i ngak
Tangbang dam leh pham kikal aw e..
B. Tangbang dam leh pham kikal aw
Lungtup tui bang tung aw nun nuam e..


A. Kei ka piandan ki khelkhel ta
Len heisa leh gimnam huang sil pal
Kum cin sen leh a pal ngei pal e...
B. Kum cin sen leh a pal ngei pal aa
Neusen ka gual ngaih te tawh
Ka dawn ngei zo dam tui aw
A luan ngei luang e...


A. Sianmang tongdam hong sang dih ua
Tulai momno lia leh ta bing aw e
B. Tulai momno lia leh tang aw
Ningzu aiisa khum mah le zong
Nungciang al bang man na ding hi e